De Monraket

HOG-Schäßburg / Siebenbürgen

De Monraket

von Karl Gustav Reich (SN02)

E Gläckwänsch fir Prof. Dr. Hermann Oberth za sengem 75. Ceburtsdach

De Wält huët, wä et sich gehïrt,
än desen Dåjen diën geihrt,
di ener ärer Greßten äs,
dåt äs na ïster ganz gewäß:
Hermann Oberth äs se Nummen,
wi't net wïß, di sål sich schummen!

Åndern hun ä gläcklich Stangden
uch vill Nätzlichet erfangden,
äm af aser hïschen Iërd,
dä es allen låw uch wiërt,
mëjlichst schniël vïrwärts ze kun,
wel mir't allen ïdich hun.
Awer vun der Iërd ewech
fand noch nemesler de Stëch.
Dåt as Hermann Oberth dët
hi erfånd de Monraket

E Mängschhitsdrüm äs nas erfällt,
frå äs der Wiëch zer Stärnewält.
Em meß et klör erous ist sön:
Wonn ener flecht hegt af de Mon,
meß hi ängden ä Gedånken
sich bäm Oberth irscht bedånken!
Båld kån em -wi håw't gedocht -
vum Mon sich brängen, wat em brocht,
und affen schest em dro dä Legt,
dä glatt net passen än des Zegt.

Mir Sachsen se bessngders stulz,
dat hi woß ous Sachsenhulz!
Wat hi der Wält zlcht, wor uch det!
ohnen de Sachsen giht et net

Wonn ta ns 75 Johr,
kun uch de Sachsen, dåt äs klör,
mät dië villen åndre Mängschen,
äm der Gesangd uch Cläck ze wängschen.
Wo än der Wält ku Sachsen vïr,
ku se allen hegt za dir.
Te såIt åIt wärden, wä de Kakel,
wo ta gespillt und dro geliëwt,
wo ta ohne jëd Gefackel
damols schin nö'm Mön gestriëwt.
Ta sålt gläcklich sen, gesangd,
und erliëwe noch de Stangd,
wo em dro mät de Raketen
erriche kån merwell Planeten,
ohne sich noch afzerejen,
ohnen ä Kopesch ämzestejen!

Dat uch mir mät kenne fuëren,
wängschen ich noch alle guëren!

(Geschriwen um Dåch, da de irscht Mängschen
vum Mon gesangd hïmekåmen.)